DataLife Engine > Версия для печати > ТАҶЛИЛИ БОШУКӮҲИ "РӮЗИ МИЛИТСИЯ" ДАР НОҲИЯИ БАЛҶУВОН

Дирӯз дар толори Қасри фарҳанги ноҳия чорабинии идона бахшида ба "Рӯзи милитсия" дар сатҳи баланд ташкилу баргузор карда шуд. Дар чорабинии мазкур раиси ноҳияи Балҷувон Сафарзода Бахтиёр, роҳбарият ва кормандони шуъбаи Вазорати корҳои дохилӣ дар ноҳия, нафақахӯрони ин ниҳоди қудратӣ, оилаҳои хизматчиёни зимни адои хизмат ҳалокгашта, роҳбарони ташкилоту муассисаҳо, раисони ҷамоатҳои деҳот, фаъолон ва ҷавонон иштирок доштанд. Саравал сардори ШВКД дар ноҳия - подполковники милитсия Ҷумъазода Ҳабиб суханронӣ намуда, тамоми аҳли нишастро ба ин санаи фархунда табрику муборакбод гуфтанд. Сипас раиси ноҳия Сафарзода Бахтиёр бо матни табрикотӣ баромад намуда, ҳамаи кормандони мақомоти корҳои дохилӣ ва дар шахсияти онҳо тамоми иштирокчиёнро бахшида ба "Рӯзи милитсия" табрик гуфта, зимни суханронӣ иброз доштанд, ки хизмати софдилонаю садоқатмандонаи кормандони милитсия дар роҳи барқарорсозии сохти конститутсионӣ, нигоҳдории тартиботи ҷамъиятӣ, пешгирии ҷинояту ҷинояткорӣ ва дар маҷмӯъ дар баланд бардоштани фарҳанги ҳуқуқии аҳолӣ бениҳоят назаррас аст.

Дар идомаи чорабинӣ ба як қатор кормандони ин ниҳоди қудратӣ аз номи раиси ноҳия ва сардори ШВКД дар ноҳия сипосномаҳо дода шуд. Дар қисмати фарҳангӣ аҳли фарҳанги ноҳия бо сурудҳои саршор аз ватандӯстию ифтихор аз давлати соҳибистиқлол хотири аҳли нишастро шод намуданд.