DataLife Engine > Версия для печати > ВОХӮРӢ БО ЗОДАГОНИ НОҲИЯИ БАЛҶУВОН, КИ БЕРУН АЗ НОҲИЯ КОРУ ФАЪОЛИЯТ МЕНАМОЯНД

Рӯзи 8 сентябри соли ҷорӣ дар арафаи истиқбол аз ҷашни 33-солагии Истиқлолияти давлатии Ҷумҳурии Тоҷикистон дар толори мақомоти иҷроияи ҳокимияти давлатии ноҳияи Балҷувон вохӯрии раиси ноҳияи Балҷувон Сафарзода Бахтиёр ва Роҳбари Гурӯҳи кории мақомоти иҷроияи ҳокимияти давлатии ноҳияи Балҷувон бахшида ба 35-солагии Истиқлоли давлатӣ дар ноҳияи Балҷувон Давлатзода Нусратулло бо зодагони ноҳияи Балҷувон, ки берун аз ноҳия дар вазифаҳои гуногуни мақомоти давлатӣ кору фаъолият менамоянд, доир гардид.

Ҳадаф аз вохӯрии мазкур пеш аз ҳама иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва татбиқи сиёсати бунёдкоронаи Ҳукумати Ҷумҳурии Тоҷикистон ба ҳисоб рафта, асоси мантиқии онро дар амал татбиқ намудани ҳадафҳои стратегии Ҳукумати мамлакат ташкил медиҳад.