DataLife Engine > Версия для печати > То риё варзаду солус, мусулмон нашавад

Раҳбарият ва аъзоёни ташкилоти террористӣ ва экстремистии Ҳизби наҳзати исломӣ (ТТЭ ҲНИ), ки пайваста аз номи сокинони кишвар худро ҳамчун ҳаводорони ҷомеаи озоду демократӣ нишон медиҳанд, ҳарчанд маълум аст, ки аз ҳар чизи будаву набуда ҳангома сохтанӣ мешаванд. Ҳамаи ин танҳо ба хотири худро сафед кардан ва ҳақиқатро пинҳон доштан аст. Ташкилоти террористӣ ва экстремистии Ҳизби наҳзати исломӣ худро зери номи Кумитаи шаҳрвандии наҷоти гаравгонҳо ва зиндониёни сиёсии Тоҷикистон пинҳон намуда, барои баргузории як гирдиҳамоӣ дар назди сафорати Тоҷикистон дар шаҳри Берлин вобаста ба Рӯзи байналмилалии ҳуқуқи инсон баргузор карданӣ мешавад. Аслан, Кумитаи шаҳрвандии наҷоти гаравгонҳо ва зиндониёни сиёсии Тоҷикистон ҳамон ТТЭ ҲНИ аст, ки бо номи ташкилоти террористӣ ва экстремистӣ шинохта шудаву дар ҳар кунҷу канор бо номҳои гуногун зуҳур мекунад. Ҳатто бо ба забон аз номи ташкилоти террористии ТТЭ ҲНИ ор мекунад. Вале талаби раҳоии ҷинояткороне чун Зайд Саидов, Маҳмадалӣ Ҳаит ва Бузургмеҳр Ёровро намудани ТТЭ ҲНИ ё ин ки Кумитаи шаҳрвандии наҷоти гаравгонҳо ва зиндониёни сиёсӣ дар ин гирдиҳамоӣ бемаврид ва бемантиқонаву пӯч метобад.

ТТЭ ҲНИ бо Кумитаи шаҳрвандии наҷоти гаравгонҳо ва зиндониёни сиёсӣ диққати ҳамаи касонеро, ки ба қадри озодии ин марзу бум мерасанд ва ободии кишварро мехоҳанд, ба он равона мекунанд, ки гӯё рафтори давлату ҳукумат тамоман қонеъ нагардидани ҳаёти ҷомеа аст ва халқро маҷбур месозанд аз давлату миллат дур шуда ба онҳо пайравӣ намоянд. Ҳарчанд танҳо давлату ҳукумат қодир аст, ки озодӣ ва эҳтиёҷоти мардумро таъмин намоянд. Аммо Кумитаи шаҳрвандии наҷоти гаравгонҳо ва зиндониёни сиёсии Тоҷикистон, ки ҳамон ТТЭ ҲНИ ифротӣ мебошад, берун аз ҳақиқат ва берун аз иродаи мардум мубориза мебарад. ТТЭ ҲНИ дар заминаи айбҳои бофтаю сохта ва бедалел давлату миллати тоҷикро маҳкум намуда, талаб дорам, ки ҳукми зиндониёни номбаршуда бекор карда шавад.

Ташкилоти террористӣ ва экстремистии Ҳизби наҳзати исломӣ (ТТЭ ҲНИ) ё ин ки Кумитаи шаҳрвандии наҷоти гаравгонҳо ва зиндониёни сиёсӣ озодӣ гуфта, мехоҳанд озодии мардуми тоҷикро бо ресмони муҳтоҷӣ, беҳуқуқӣ, зулм ва истисмор бубанданд. Ҳақиақатеро, ки надидаанд ба он баҳо доданӣ мешаванд, вале баҳои онҳо баҳои дурӯғин аст.

Гирдиҳамоии Ташкилоти террористӣ ва экстремистии Ҳизби наҳзати исломӣ (ТТЭ ҲНИ) ё ин ки Кумитаи шаҳрвандии наҷоти гаравгонҳо ва зиндониёни сиёсӣ дар шаҳри Берлин маънои иғвоангезиро дорад ва мардумро ба шӯр овардан аст, ки зидди давлату миллати хеш чун солҳои навадум мубориза баранд. Халқи тоҷик фиреби наҳзатиҳоро борҳо дидааст ва ҳеҷ гоҳ ақидаҳои ботили раҳбарияту аъзоёни ТТЭ ҲНИ ва Кумитаи шаҳрвандии наҷоти гаравгонҳо ва зиндониёни сиёсиро бовар намекунад.

Мақоли халқие ҳаст, ки мегӯянд, ҳам дуздиву ҳам пешхезӣ. Худи наҳзатиҳо шаъну шарафи дар арсаи байналхалқӣ ба даст овардаи кишварро бо аъмоли хиёнаткорона ва фосиқонаашон паст мезананд, вале боз нашармида худро канор мегиранду бегуноҳ меҳисобанд ва бори маломатро ба давлату миллати тоҷик мезананд. Дар бораи чизе гап мезанад, ки халқро пароканда кунад, дар байни халқ нифоқ андозад.

Рустам Раҳимов