Deprecated: preg_replace(): The /e modifier is deprecated, use preg_replace_callback instead in /var/www/baljuvontj/data/www/baljuvon.tj/engine/modules/show.full.php on line 343 DataLife Engine > Версия для печати > Мақсади наҳзатиҳо танҳо харобкорист
Главная > Хабар > Мақсади наҳзатиҳо танҳо харобкорист

Мақсади наҳзатиҳо танҳо харобкорист


10-12-2018, 18:21. Разместил: admin

Дар ташкили роҳпаймоиҳои наҳзатиҳо, ки нуқтаи арши аълои фаъолияти ба ном сиёсиашон мебошад ва бо кӯмаки дастандаркорони хориҷӣ баргузор мегардад, нуктаҳои зерин бояд аз ёд нараванд ва дар шинохти ин ҳизби беаслу бунёд ба инобат гирифта шаванд:

Девона чу девона бубинад, хушаш ояд. Митинг ва митингбозӣ ҷузъи тафаккури харобкоронаи наҳзат мебошад. Наҳзат дар ҷумҳурӣ калимаи номатлуб, бад ва ғайриқобили қабул аст. Наҳзат оғозгари ҷанги шаҳрвандӣ ва таҳрикгари қатли оми мардум аст.

  1. Нахустин гурӯҳҳои ғайримасъули ҷангиро мухолифон дар дохил ва баъдан дар хориҷи кишвар таъсис доданд. Аз ин рӯ, асосгузор ва муассиси гурӯҳҳои масъули мусаллаҳ-наҳзат мебошад. Ин ҳам харобкории бардавоми наҳзатиҳо.
  2. Ҳаракати «Ансорулло»-ро маккорона ба саҳнаи сиёсӣ оварданд, раҳбаронаш дар дохил чулу чаповул мекаранд ва ин ҳаракати террористӣ чун фишанги нуфуз аз берун, дандони хуношоми худро нишон медод.
  3. Наҳзат чун ҳунари созандагӣ надорад, тавону зарфияти он ба митингбозӣ мерасад. Шавқи беандозаи наҳзат ба митингбозӣ решаи авлодӣ дорад.
  4. Пештар падарҳо ин миллатро ба хоку хун кашиданд, ҳоло бачаву духтарҳо доман тар карда истодаанд (номҳо ва авлодҳо маълуманд, як таҳлили муқоисавӣ кунед, ҳама рӯ ба роҳ мешавад, дар бозёбии решаҳои фалсафаи ҷанг);
  5. Ихтироъкори фалсафаи ҷанг бешаку шубҳа наҳзат мебошад. Миллате ки ободкор буд ва дар фикри созандагӣ, ҳамин муллоҳои сиёсатзада дар вуҷудаш хасми ҳамдигариро бедор карданд.   
  6. Ҳамчун усули асосии муборизаи қалбакӣ барои роҳпаймоиву тазоҳурот, масъалаи ҳуқуқи инсонро дастак карданӣ ҳастанд, ки роҳи дурӯғ аст.
  7. Қомати букриро гӯр рост мекунад, рост мегуфтаанд. Ифротгароёни фирорӣ ва шариатмадори Тоҷикистон хилофи амалкарди миллӣ бо доман задан ба зуҳуроти сунъии хурофотӣ, бо ангезахои хоми нимамаҳаллӣ ва васвасавӣ, ҷуръати хиёнатгунае барои такрори иштибоҳи таърихӣ–ташкили митингҳо карданд.
  8. Ин лағзишҳои наҳзатӣ, тасаввуре дар зеҳни таҳқикгарони воқеиятгарои муқими Тоҷикистон ба вуҷуд овардааст, ки “Оё боз ҳам саҳви таърихии муллоҳои билетдор  бозгашти бемайлони он ба сӯйи таҷрибаи риққатбори митинг ва гуруснанишинӣ такрор меёбад? Ҳаргиз не. Наҳзат чун марази носур дар бадани ин миллат аст, ки ҳар чи зудуда шавад, ҳамон беҳтар аст.
  9. Ҷойиз ба ёдоварӣ медонем, ки ТТЭ ҲНИ тавонмандии сиёсӣ надорад, митинг созмон диҳад, чун он ташкилоти террористиву экстремистӣ мебошад. Паёмадҳои шарикӣ бо ҲНИ аз лиҳози амалгароии ҳуқуқӣ, ҳам хатарнок аст. Оқибатҳои ҳуқуқии ҳамнишинӣ бо ТТЭ ҲНИ оқибати бад дорад.

        Мӯсо Ирамов, таҳлилгар


Вернуться назад