Бояд гуфт, ки мақомоти ҳифзи ҳуқуқи ҷумҳурӣ дар самти мубориза бо зуҳуроти номатлуби замони муосир, бахусус ифротгароию терроризм, пешгирию мубориза аз ин падидаҳои номатлуб, баҳри таъмини амнияти давлат, ҳаёти осоиштаи мардум корҳои муайянеро ба анҷом расонида истодаанд. Дар солҳои охир мақомоти қудратии Ҷумҳурии Тоҷикистон низ корҳои зиёди самаранокро ба анҷом расонидаанд. Тайи ин солҳо аз ҷониби Прокуратураи генералии Ҷумҳурии Тоҷикистон санадҳои тасдиқкунандае аз фаъолияти ҳизбу созмонҳои террористиву экстремистӣ ба Суди Олӣ пешниҳод гардиданд. Баъди омӯзиш ва баррасӣ бо ҳалномаи Суди Олии Ҷумҳурии Тоҷикистон фаъолияти 18 ташкилоти террористиву экстремистӣ дар кишвар баста шудаанд. Инчунин, бо ҳалномаи Суди Олии Тоҷикистон, аз 15–уми августи соли 2019 созмони Паймони миллии Тоҷикистон Ҳизби Наҳзати Исломӣ ва Гурӯҳи 24 аз соли 2015 ҳамчун иттиҳоди террористӣ–экстремистӣ эътироф гардиданд. Ҳамзамон, бо ин ҳалномаи мазкур фаъолияти 39 шабакаи иҷтимоӣ ва сомонаи интернетие, ки ба ин ташкилоти террористӣ–экстремистии Паймони миллии Тоҷикистон ва ҳамаслаконашон хизмат мекарданд, манъ карда шуданд. Бояд таззакур дод, ки Созмони Аҳдномаи Амнияти дастаҷамъӣ (СААД), Созмони Ҳамкории Шанхай (СҲШ) низ ТТЭ ҲНИ–ро ба таври расмӣ ба феҳристи созмонҳои экстремистию террористӣ дохил намуда, фаъолияташонро дар қаламрави кишварҳои ин созмонҳо бастанд.
Ёдоварӣ менамоем, ки дар чанд соли охир дар қаламрави Тоҷикистон садҳо нафар пайравону муридҳои ТЭТ ҳизби наҳсат барои иштирок дар фаъолияти ҷинояткоронаи ташкилотҳои террористӣ ва экстремистии ДИИШ, Ҳаракати исломии Ӯзбекистон, “Ансоруллоҳ”, “Ҳизб – ут – Таҳрир”, “Ҷамоати таблиғ”, “Гурӯҳи – 24” ва ғайра ошкору боздошт гардиданд. Ба ҳамагон маълум аст, ки роҳбари фирории ТЭТ ҳизби наҳзат М.Кабирӣ шахсан ташкилкунанда ва маблағгузори табаддулоти давлатии моҳи сентябри соли 2015 бо иштироки гурӯҳи мусаллаҳи Ҳоҷӣ Ҳалим дар Тоҷикистон буд. Баъди ин амалиётҳои террористӣ намояндагони ҳизби наҳсат дар Аврупо паноҳ бурда, фаъолияти ватанфурӯшиву террористии худро ба роҳ мондаанд.
Махсусан, таъкид менамоем, ки М.Кабирӣ, М.Садриддин, А.Шерзамонов ва дигар бо ҳар роҳу восита ва бо раҳнамоии хоҷагони манфиатхоҳашон мекӯшанд бар зидди мамлакат ва давлати мо садо баланд намоянд, ҷавононро гумроҳу ғафлатзада гардонанд ва дар охир обрӯи кишварро паст зананд. Пайравону муридҳои бесаводи наҳзатӣ имрӯзҳо дар шабакаҳои иҷтимоӣ фазои ҷомеаи Тоҷикистонро аз хориҷ аз рӯйи кинаву адовати доштаашон, одитарин ҳодисаи рухдодаро барои бадном кардани Ҳукумати мамлакат истифода бурда истодаанд.
Имрӯз ин ватанфурӯшони ношукру носипос ва даюсу манҳус нисбати Ватан-модар, миллат ва халқи худ бо ғарази сиёсӣ нигариста, дар бадномкунии зодбуми нону намак додаашон ба чанд “доллар”-и ҳангомасозони ғарбӣ ва исломситезони хунхор садо баланд карда, маълумотҳои бофтаву дурӯғро нисбати кишвар мо паҳну пахш карда истодаанд. Аҳли наҳзату бистучор ҳамин шабу рӯз аз баъзе ҳодисаҳои охири кишвар сӯистифода бурда, дар соли нав барои дарёфти гранту кӯмакҳои нави хоҷагонашон ҳангомаҳо сохта, маълумотҳои дурӯғу бофтаро атрофи як мурдаи беҷон паҳну пахш карда истодаанд. Ҳадафи онҳо худро дар назди душманони давлат мубориз ҷилва додану миллионҳо долларо ба даст овардан мебошад. Наҳзатиҳо парвои ягон нафар надошта, танҳо мехоҳанд, вазъи кишварро ноором созанд.
Бинобар ин, айни замон моро зарур аст, ки аз дирӯза дида имрӯз Ваҳдати миллӣ ва сулҳро чун гавҳараки чашм ҳифз кунем ва ҳама аз як гиребон сар бароварда барои ҳимояи манфиатҳои миллӣ камар баста, дар муқовимат ба афкори экстремистӣ ва террористӣ мубориза барем ва нагузорем, ки нохалафе фазои ороми Тоҷикистони азизамонро вайрон намояд.
