Информация к новости
  • Просмотров: 243
  • Автор: admin
  • Дата: 15-07-2018, 09:29
15-07-2018, 09:29

ЁДКАРДИ ЮТАКА АКИНО. Ба қатли дипломати ҷопонӣ аз ҷониби террористони ҳизби наҳзати исломӣ 20 сол пур шуд

Категория: ---

3 июли соли 2018 Вазорати корҳои хориҷии Ҷопон бахшида ба ёдбуди донишманд ва сиёсатмадори машҳури ҷопонӣ, профессор Ютака Акино Симпозиуми байналмилалӣ доир намуд. Имсол аз  марги фоҷеавии ӯ 20 сол сипарӣ гардид. Дар ин маросим коршиносон аз кишварҳои Осиё ва Аврупо ширкат намуданд. Хотиррасон менамоем, ки Ютака Акино чун сиёсатшинос соли 1998 ҳамроҳбо ҳамтоёни худ аз Лаҳистон, Уругвай ва Тоҷикистон  зимни иҷрои фаъолияти худ дарҳайати (миссияи) нозирони  СММ дар Ҷумҳурии Тоҷикистон аз ҷониби тундгароёни ташкилоти террористӣ-экстремистии ҳизби наҳзати исломии Тоҷикистон ба таври фоҷеавӣ ба қатл расонида шудааст.

Ҳайати мазкур раванди ба даст овардани сулҳу суботро дар кишвари мо назорат мекард. Дар Симпозиум таъкид шуд, ки ташкилоти террористӣ-экстремистии ҳизби наҳзати исломии Тоҷикистон, ки соли 1998 Ютака Акино ва ҳамкоронашро бо истифода аз силоҳбадастони мусаллаҳ ба қатл расонидааст, ҷузъи ҳамин гуна ҳаракатҳои ифротгаро чун ДИИШ, Ал-Қоида, Толибон ва ғайра буда, нисбат ба шаҳрвандони хориҷӣ ва намояндагони ташкилотҳои байналхалқӣ нигоҳи душманона дорад. Ҳамчун далели раднопазир ба ҳозирон нишон дода шуд, ки дар тӯли фаъолияти муғризонааш ташкилоти террористӣ-экстремистии ҳизби наҳзати исломии Тоҷикистон хориҷиёни ғайринизомиро гаравгон гирифта, сипас ба қатл расонидааст.

Вазири корҳои хориҷии Ҷопон Таро Коно, Раиси гурӯҳи дӯстии байнипорломунии Ҷопон ва Тоҷикистон Кэйҷи Фуруя ва дигарон дар маросими мазкур аз пайомадҳои нангини терроризми муосир суханронӣ карда, ҷиҳати пешгирии ин тамоюли нангини ҷаҳонӣ музокира намуданд.

Зимни муҳокимаи қатли профессор Ютака Акино ва дигар шаҳрвандони хориҷӣ аз ҷониби ҷангҷӯёни гурӯҳҳои радикалии исломӣ иштироккунандагони симпозиум зикр намуданд, ки “маҳз нафрати тундгароёни муосир нисбати намояндагони дигар миллату тамаддун аз омилҳои асосии фаъолияти созмонҳои террористии Шарқи Наздик ва Осиёи Марказию Ҷанубӣ мебошад”. Гузашта аз ин, далелҳои ошкоргардида нишон доданд, ки дар давоми солҳои ҷанги шаҳрвандӣ аз ҷониби ҷангҷӯёни мусаллаҳи дар тобеияти ташкилоти террористӣ-экстремистии ҳизби наҳзати исломии Тоҷикистон қарордошта бештар аз 100 нафар шаҳрвандони хориҷӣ, минҷумла кормандони созмонҳои байналмилалӣ, посдорони сулҳ, нозирони СММ, дипломатҳо, рӯзноманигорон, сайёҳон ва ғайра қатл ва гаравгон гирифта шудаанд.

Масъалаи гаравгонгирӣ бошад, ҳамчун роҳи пулкоркунӣ барои ташкилоти террористӣ-экстремистии ҳизби наҳзати исломии Тоҷикистон ҳанӯз аз соли 1991 сарчашма мегирад ва тамоюли зуроварӣ ва тундгироӣ барои наҳзатиҳо нав нест. Маҳз ба хотири хусусиятҳои ифротгароӣ ва экстремистию террористӣ доштани рафтору кирдори наҳзатиҳо, сентябри соли 2015 Суди Олии Ҷумҳурии Тоҷикистон фаъолияти ташкилоти террористӣ-экстремистии ҳизби наҳзати исломии Тоҷикистонро дар қаламрави кишвар қатъ намуд ва  баъдтар фаъолияти ин ҳизби тундгаро дар қаламрави кишварҳои узви ИДМ, СААД, СҲШ ва ғайра низ манъ гардид.

Дар Симпозиум таъкид гардид, ки муносибат бо терроризм ва ҳизбҳои террористӣ сиёсати духураро намепазирад. Ба соҳибони тамоми созмону ташкилоти шаҳрвандӣ мурочиат карда шуд, ки бояд на танҳо аз муносибат бо ҳизбу ҳаракатҳои террористӣ канораҷӯӣ кунанд, балки аъмоли онҳоро фош ва ҷиддан маҳкум намоянд.

Мавриди зикр аст, ки моҳи марти соли равон Сафири Фавқулода ва Мухтори Ҷопон дар Ҷумҳурии Тоҷикистон Хаҷиме Китаока дар ҷараёни сафари кориаш ба Ҷопон ҳамроҳи ҳамсараш аз Донишгоҳи Тсукуба, ки замоне ҳарду дар он таҳсил карда буданд ва Ютака Акино дар он ҷо таълим медод, дидан намуд.  Онҳо намоишгоҳи “Ёдбуди доктор Ютака Акино”-ро тамошо карданд. Сафири Ҷопон дар мулоқот бо ҳайати устодону донишомӯзони ин даргоҳи маърифат зикр намуд: «Пас аз он ки нахустин Сафири Ҷопон дар Тоҷикистон таъйин шудам, бисёр орзу доштам ба донишгоҳи азизам биёям ва  ин намоишгоҳи ҷолибро аз наздик бубинам. Дар Тоҷикистон хизматҳои доктор Ютака Акиноро дар таъмини сулҳу субот дар ин сарзамин фаромӯш накардаанд ва аз ӯ бо некӣ ёд мекунанд”.

 

Сарварой АЗИМОВА

Информация к новости
  • Просмотров: 44
  • Автор: admin
  • Дата: 15-07-2018, 09:27
15-07-2018, 09:27

ТАРКИШ: амали террористие, ки баъди 22 сол ошкор шуд

Категория: Хабар

Амали террористӣ ҷиноятест, ки бар зидди асосҳои сохти конститутсионӣ, амнияти шахс, ҷомеа ва давлат равона мешавад. Мақсади асосии тарҳрезони он аз байн бурдани оромию субот, мураккаб сохтани вазъият, заиф намудани сохторҳои қонунии идораи давлатӣ мебошад.

Маъмулан, актҳои террористӣ аз тарафи душман ба таври хеле махфӣ ва айёрона тарҳрезӣ ва амалӣ карда мешаванд. Дар натиҷа, таҳқиқу ошкор намудани ҷиноят, ба ҷавобгарӣ кашидани унсурҳои ҷинояткор ва супоришдиҳандагони бевоситаи онҳо дар аксари ҳолатҳо даҳсолаҳо тӯл мекашад.

Ба туфайли нишон додани масъулияти баланди тахассусӣ, аз тарафи ниҳодҳои тафтишотии Кумитаи давлатии амнияти миллии Ҷумҳурии Тоҷикистон гиреҳи як акти террористӣ боз карда шуд, ки ҳанӯз дар соли 1996 аз ҷониби аъзоёни ТТЭ ҲНИ амалӣ карда шудааст.

Барои касе пӯшида нест, ки солҳои 90-уми асри гузашта давлати ҷавон ва тоза ба истиқлолиятрасидаи Тоҷикистон дар ҳоли эъмори пояҳои нахустини давлатдорӣ қарор дошт ва ҳамзамон барои хомӯш намудани алангаи ҷанги таҳмилии шаҳрвандӣ дар ҷумҳурӣ талош мекард.

Аз ин вазъият истифода бурда, гурӯҳҳои ҷиноятпешаи ташкилоти террористии наҳзати исломӣ, бо дастур, роҳнамоӣ ва маблағгузории хоҷагони маълуми хориҷии худ, ба ҳар гуна амалҳои даҳшатноки террористӣ даст мезаданд. Онҳо мақсад доштанд вазъиятро ноором созанд, дар қалби сокинони ҷумҳурӣ тарс ва ҳисси нобовариро нисбат ба сохторҳои давлатӣ бедор намоянд.

18 июни соли 1996 дар хиёбони И.Сомонии шаҳри Душанбе, автобуси ҳарбии тамғаи «Урал»,  рақами давлатиаш 02-07 БС, ки ба қисми ҳарбии 07009-и Вазорати мудофиаи ҶТ тааллуқ дошт, аз тарафи шахсони номаълум мавриди ҳамлаи мусаллаҳона қарор гирифт.

Дар натиҷа, хизматчиёни қисми ҳарбии зикршуда Меҳмон Ҳисочаев, Абдулазиз Абдулҳамидович Шукуров, Частухин Георгий Вячеславович, Ишанова Наталя Борисовна, Шутов Георгий Григоревич, Григорчук Василий Семёнович, Капланов Алӣ Суннатович, Престурякова С., Овчинникова В., Зайниева Л. ҷароҳатҳои вазнини ҷисмонӣ бардоштанд. Ишанова Наталя Борисовна бар асари захмҳои бардоштааш ба ҳалокат расид.

Дар робита бо қазияи мазкур аз тарафи мақомоти тафтишотӣ, бо дастрасии моддаҳои 15-63 қисми 1-и КҶ ҶТ (сӯиқасд ба акти террористӣ) парвандаи ҷиноятӣ оғоз карда шуда, чорабиниҳои оперативӣ-ҷустуҷӯӣ роҳандозӣ гардиданд.

Дар доираи парвандаи ҷиноятӣ муайян шуд, ки сокинони маҳаллаи 102-юми ноҳияи Синои шаҳри Душанбе, шаҳрвандон Сафро Сиддиқова, Сиддиқов Ҷамшед Таварбекович ва Азимова Фотима Рашидовна ду нафар аз ашхоси мусаллаҳи ба автобуси ҳарбӣ ҳамланамударо бо чашми худ дидаанд ва яке аз онҳо Раҷабов Хуршед Аҳтамович, соли таваллудаш соли 1970, зода ва истиқоматкунандаи ноҳияи Фирдавсии шаҳри Душанбе  мебошад.

Дар асоси нишондоди шоҳидон, 30 июни соли 1996 гумонбаршуда Раҷабов Хуршед Аҳтамович боздошт ва бо дастрасии моддаи 83-и КМҶ ҶТ нисбаташ чораи пешгирӣ дар намуди ба ҳабс гирифтан татбиқ карда мешавад.

Аммо Раҷабов Хуршед ва шарикони ҷиноятии ӯ шоҳидон Сафро Сиддиқова, Ҷамшед Сиддиқов ва Фотима Азимоваро бо зӯри силоҳи оташфишон ва таҳдиди нест намудани аҳли хонаводаашон маҷбур месозанд, ки нишондодҳои қаблан додаи худро инкор намоянд. Фотима Азимова аз тарс манзили зисташро фурӯхта, бо аҳли оилааш барои истиқомати доимӣ ба Федератсияи Россия мекӯчад. Дар натиҷа, Хуршед Раҷабов бо тағйир додани чораи пешгирӣ, яъне гирифтани забонхат дар бораи тарк накардани маҳали истиқомат, аз ҳабси пешакӣ озод карда мешавад.

Аз фурсат истифода бурда, ҷинояткор Хуршед Раҷабов аз ҳудуди Ҷумҳурии Тоҷикистон фирор мекунад ва дар қаламрави кишварҳои хориҷӣ пинҳон мешавад.

Ҷинояткор гумон дошт, ки бо сипарӣ шудани муддати дуру дароз амали ҷиноятиаш аз ёдҳо фаромӯш мешавад.

Вале қонун ҳаргиз дар муқобили ҷинояту ҷинояткор беамалиро ихтиёр намекунад. Раҷабов Хуршед Аҳтамович муддати 22 сол дар кофтукови ҷиноятӣ қарор дошт ва чораҳои фаврӣ-ҷустуҷӯӣ нисбаташ гузаронида мешуданд.

26 июни соли соли 2018 Хуршед Раҷабов ҳангоми воридшавӣ ба қаламрави Ҷумҳурии Тоҷикистон бо ному насаби дигар, аз ҷониби кормандони мақомоти амнияти Ҷумҳурии Тоҷикистон дастгир карда шуд.

Дар доираи парвандаи ҷиноятӣ нисбати ӯ, пурсиши такрории шоҳидони қаблӣ сурат гирифт.

Дар нишондоди худ Хуршед Раҷабов зикр менамояд, ки ӯ солҳои 1993-1994, бо се нафар аъзоёни ташкилоти террористии наҳзати исломӣ бо номҳои Алишер, Абдулло ва Шамик (номҳои дигараш Шамил ва Шамс), истиқоматкунандагони маҳаллаҳои “Автобазаи 3-юм”, “Док” ва кӯчаи Чехови шаҳри Душанбе шинос шуд ва онҳо ӯро ба гурӯҳи ҷиноятии худ ворид намуданд. Сарварии гурӯҳро Алишер ба уҳда дошт. Онҳо ҳамеша бо худ силоҳ доштанд. Узви ҳизби наҳзати исломӣ буданашонро пинҳон намекарданд ва Хуршед Раҷабовро низ моил сохтанд, ки узвияти ин ҳизбро бипазирад.

Тибқи гуфтаи Хуршед Раҷабов, ин се нафар пайваста дар бораи наздикиашон ба Абдуҳалим Назарзода, ё ба гуфти худи онҳо «Ҳоҷӣ Ҳалим» нақл мекарданд. Алишер ҳамеша ба назди Ҳоҷӣ Халим мерафт ва супоришҳои махсуси ӯро ба аъзоёни гурӯҳ мерасонид.

Дар робита бо сӯиқасд ба ҷони низомиён, Хуршед Раҷабов, тавассути Алишер, супориши Ҳоҷӣ Ҳалимро мегирад, ки муддати ду шабонарӯз хатсайри автобуси хизматчиёни ҳарбиро омӯхта, самт, соату дақиқаи ҳаракати онро дар маҳаллаи 102-юми шаҳри Душанбе муайян созад ва нақшаи онро ба Алишер диҳад.

Баъди анҷом додани ин дастур, Алишер ба Раҷабов Хуршед 300 доллари амрикоӣ дода, ваъда медиҳад, ки ӯро дар назди «Ҳоҷӣ Ҳалим» бо кор таъмин мекунад.

Сипас, тибқи дастури навбатии  Абдуҳалим Назарзода, Хуршед Раҷабов бо ҳаммаслакони ҷиноятиаш рӯзи 18 июни соли 1996 ҳамлаи мусаллаҳонаро ба автобуси низомиёни Вазорати мудофиа анҷом медиҳанд. Ҳангоми тирпарронӣ ва гурехтан аз ҷои ҳодиса, шоҳидони воқеӣ Хуршед Раҷабовро бо дигар шарики ҷиноятиаш мебинанд.

Айни замон, чорабиниҳои оперативӣ-ҷустуҷӯӣ нисбат ба дигар ҷинояткорони дар ин амали террористӣ дастдошта идома доранд.

Даст доштани роҳбарон, аъзоёни ташкилоти террористӣ-экстремистии наҳзати исломӣ дар тарҳрезию амалӣ намудани актҳои даҳшатноки террористӣ бори дигар собит гардид. Бо вуҷуди ин, роҳбарони фирории ин ташкилоти террористӣ ва хоҷагони ғаразҷӯи хориҷиашон ҳанӯз аз ниятҳои аҳримании худ даст кашиданӣ нестанд.

Вале онҳо бояд бидонанд, ки ҳеҷ гоҳ хиёнату ҷиноятҳои содиркардаашон пӯшида намемонанд. Чуноне, ки амали қотилонаи 22-сол пеш анҷомдодаашон, имрӯз ошкор карда шуд.

***

Ронандаи автобуси «Урал»-и қисми низомии 01009-и Вазорати мудофиаи Ҷумҳурии Тоҷикистон Капланов Алӣ Суннатович:

— Ман дар қисми низомии № 01009-и Вазорати мудофиаи Ҷумҳурии Тоҷикистон ба ҳайси ронанда кор мекардам. Субҳи 18 июли соли 1996 барои хизматчиёни ҳарбӣ ба тарафи шаҳр равона шудам. Аз гардиши назди Таваллудхонаи №3 мошинро гардондам ва дар истгоҳ истодам. Дар ин замон бояд якчанд нафар хизматчиёни ҳарбии Вазорати мудофиа ба мошини ман савор мешуданд. Онҳо ба саворшавӣ сар карда буданд, ки дар ин ҳолат як таркиши сахт ба вуҷуд омад. Дар ин ҳолат ман ба ин тараф он тараф нигоҳ кардам. Аз тарафи чапи ман, наздикии маҳаллаи Қозоқон як дуди ғализ баромад, ки ман ҳайрон шудам аз чӣ бошад? Дар ин ҳолат боз норинҷак партофтанд. Аз тарафи рост ду кас фаромад аз бари ман ва ман аз пушти онҳо фаромадам, ки таркиш ба вуҷуд омад. Баъди таркиш тавассути силоҳи оташфишони Автомат ба тарафи автобус паронданд. Дар натиҷа як нафар ҳалок гардида, чандин нафари дигар ҷароҳат бардоштанд.

Нафақахӯри Вазорати мудофиаи Ҷумҳурии Тоҷикистон Назаров Сулаймон Сафарович:

— Рӯзи 18 июли соли 1996 тақрибан соатҳои 07:00 — 07:10 дар истгоҳи Маркази ташхисӣ ман ба мошини хизматӣ савор шудаму то истгоҳи Таваллудхонаи №3-и наздикии маҳаллаи «Қазоқон» ҳозир шудем. Вақте ки мо дар назди ин Таваллудхона истодем. Дар вақти саворшавии онҳое, ки ҳамроҳии мо ба маҳалли хизматӣ мерафтанд, тире бо садои даҳшатноки ҳуштакдор ба болои мошин дар баландии ним ё як метр гузашт. Он тарафи роҳ нигоҳ кардем, ки аз ҳавлӣ чангу дуд ба ҳаво хест. Дар назди мошини мо низ норинчак таркид, ки дар натиҷа мошини вазнин қариб буд чаппа шавад. Баъди ин боз садои таркиши баландтар шунида шуду ҷониби мошин тирпаронӣ сурат гирифт.

Нафақахӯри Вазорати мудофиаи Ҷумҳурии Тоҷикистон Шукуров Абдулазиз Абдулҳамидович:

— 18 июли соли 1996 ба маҳали хизмат рафта истода будам, ки дар назди Таваллудхонаи №3-и маҳаллаи 103-юи микрорайон аз тарафи шахсони номаълум ба ҷониби мо ҳамла сурат гирифт. Садои таркиши гранатаминёт шунида шуд. Дар таги автобус норинҷак таркид. Афтобус баъди 40-45 сония мавриди тирборон қарор гирифт, ки дар нитиҷаи он 1 нафар ҳалок ва 9 нафари дигар захмӣ гардиданд. Шахсан ман аз се ҷойи баданам ярадор шудам. Ҳоло ҳам захми пораҳои норинҷак дар дастам аёнанд. Ана инҷо онҷо ва инҷо.

Шоҳид Сафро Сиддиқова:

— 18 июли соли 1996, пагоҳирӯзӣ вақте ки аз хоб хестам, тахминан соати 07:00 буд, ки садои баланди тирпаронӣ шунида шуд. Мо фикр кардем, ки боз ҷанг сар шуд. Баъди ин садо ду нафар, ки дар дасти яке пистолету дар дасти дигарӣ автомат буд, аз назди мо давида ба болои девор парида, ба хонаи ҳамсоя даромаданд. Ман яктои онҳоро шинохтам, ки ӯ Хуршед Раҷабов буд. Ҳамсоя ҳам омада гуфт, ки он ҷавони силоҳдор Хуршед буд ва маро бо силоҳ таҳдид кард, ки агар садо баланд кунӣ туро мепаронам. Вақте ки Хуршед аз ҷониби мақомоти ҳифзи ҳуқуқ дастгир гардиду корҳои тафтишотӣ сар шуд, наздикони Хуршед ба хонаи мо омада маро таҳдид карданд, ки ба ин шоҳидӣ надиҳам.

Шоҳид Сиддиқов Ҷамшед Таварбекович:

— 18 июли соли 1996 ман аз хоб хеста дар кӯча ду шахсро дидам,ки яке зардинаи қоматбаланд бо куртаи сафед ва дуюми худи Хуршед Раҷабов бо пероҳани сиёҳ буд. Курта сафед маро бозпурсӣ карду Хуршед аз поён назора дошт. Дар ҳамин ҳангом Хуршед фарёд зад, ки «омаданд». Дигар ин ҳамроҳаш ба ман эътибор надода, ҷониби Хуршед давида рафт. Онҳо як гранатаминётро ҳамон ҷониб холӣ карданду ду норинҷакро  ҳам ҳаво доданд. Баъд тавассути автомат тир холӣ карданд. Модарам, ки дар ҳавлӣ буд онҳоро дид. Аз зери назари модарам бо болои девор парида, хонаи ҳамсоя гурехтанд. Пас аз дастгир гардидани Хуршед Раҷабов шариконаш омада бо силоҳ модарамро таҳдид карданд, ки агар шоҳидӣ диҳед ҳама аҳли оилаатонро мепаронем.

Боздоштшуда Раҷабов Хуршед Аҳтамович:

— Соли 1996 ман дар Пивозаводи маҳаллаи Чехов кор мекардам. Ба наздам Шамак омад, ки ӯ сокини маҳаллаи Чехов аст. Баъди аҳволпурсӣ ӯ ваъда кард, ки ба наздикӣ бароят кори хубе пайдо мекунам. Баъди якчанд рӯз ду нафар дар мошини тамғаи жигулӣ 06 ба назди ман омада шинос шуданд, ки номи яке Алишеру исми дигарӣ Абдулло буд. Онҳо гуфтанд, ки мо аз ту кори зиёд талаб надорем. Танҳо ба мо гӯй, ки автобуси  Вазорати мудофиаи Ҷумҳурии Тоҷикистон соати чанд меояд ва соати чанд меравад? Ман гуфтам ҳама медонад инро. Онҳо гуфтанд барои мо аниқу даққиқаш дар нақшаи алоҳида лозим, ки бо кадом роҳ чӣ гуна меоянду чӣ тавр мераванд. Як рӯз баъд боз бо ҳамон мошин Алишеру Абдулло омаданд. Шамак набуд. Дар дохили мошин нақшаи омаду рафти автобуси Вазорати мудофиаро аз ҷайб бароварда, фаҳмондам, ки автобус аз гардиши маҳаллаи 82 тоб хӯрда, тарафи маҳаллаи 102 ҳаракат мекунад. Аз назди гардиши Таваллудхонаи № 3 ҷониби поён то Мактаб меравад. Онҳо нақшаро гирифта, ба ман 300 доллари амрикоӣ дода, гуфтанд, ки аъзоёни Ҳизби наҳзати исломем. Командирамон Ҳоҷи Ҳалим мебошад. Ту аз ҳеҷ чиз натарс. Қумандони мо  шахси буқувват аст.

https://www.youtube.com/watch?v=j_7s4y0OIy8

Информация к новости
  • Просмотров: 898
  • Автор: admin
  • Дата: 25-06-2018, 04:22
25-06-2018, 04:22

Муроҷиати иттиҳоди точикони Қазокистон ба кишварҳо ва сохторҳои Аврупо роҷеъ ба мусоҳибаи раиси ҳизби террористии наҳзати ислом

Категория: Хабар

Муроҷиати иттиҳоди точикони Қазокистон ба кишварҳо ва сохторҳои Аврупо роҷеъ ба мусоҳибаи раиси ҳизби террористии наҳзати ислом М.Кабирӣ бо хабарнигори “Независимая газета"

Информация к новости
  • Просмотров: 103
  • Автор: admin
  • Дата: 23-06-2018, 11:45
23-06-2018, 11:45

Разве клевета, что члены ПИВ стали шиитами?

Категория: Хабар

Разве клевета, что члены ПИВ стали шиитами?  (Твёрдые доказательства того, что руководство ПИВ приняло мазхаб шиитского толка)

 

Информация к новости
  • Просмотров: 327
  • Автор: admin
  • Дата: 20-06-2018, 10:28
20-06-2018, 10:28

Reshahoi noaiyon - Решаҳои ноаён

Категория: Хабар

https://www.youtube.com/watch?v=fgNraE6KlKs

Информация к новости
  • Просмотров: 359
  • Автор: admin
  • Дата: 16-06-2018, 13:06
16-06-2018, 13:06

100 кило маводи нашъаовар ва аслиҳа: КДАМ сокини ВМКБ-ро боздошт намуд

Категория: Хабар

Зимни боздошт қочоқбарони афғон муқовимати мусалалҳона нишон доданд

 

Информация к новости
  • Просмотров: 1783
  • Автор: admin
  • Дата: 17-04-2018, 10:56
17-04-2018, 10:56

Дар Бадахшон хачми калони нашъа мусодира шуд

Категория: Хабар

Дар Бадахшон хачми калони нашъа мусодира шуд

Информация к новости
  • Просмотров: 647
  • Автор: admin
  • Дата: 28-03-2018, 13:21
28-03-2018, 13:21

Портрети кӯри Юнус

Категория: Хабар

Кури Сайидюнуси, шахсиятест, ки дар миёнаи ҷомеаи Тоҷикистон натавонист мавқеи худро пайдо кунад. Дар оғози ҷанги шаҳрвандӣ бо ҳамроҳии чандеи дигар аз ҳамандешаҳову ҳамдеҳаҳояш дар майдоннишиниҳои солҳои 90-ум иштирок намуд. Онҳо аз зодгоҳи худ танҳо барои шиорпартоӣ ва равған рехтан ба ҷанги шаҳрвандӣ вориди шаҳри Душанбе гардид. Ҷанги бародаркуш оғоз гардиду ӯ аз тарси ҷон кишварро тарк намуд.

Информация к новости
  • Просмотров: 267
  • Автор: admin
  • Дата: 28-03-2018, 13:07
28-03-2018, 13:07

МИРОВАЯ СЕНСАЦИЯ! В ЦЕНТРЕ ЕВРОПЫ...

Категория: Хабар

МИРОВАЯ СЕНСАЦИЯ! В ЦЕНТРЕ ЕВРОПЫ ПОЯВИЛИСЬ СВОБОДОМЫСЛЯЩИЕ ТАДЖИКИ - ОЗОДАНДЕШОН!

Кто сказал, что таджики разучились мыслить свободно? Вот они – Герои нашего времени – Равшани Темуриён, Саидюнуси Истаравшани, Темур Клычев, Алим Шерзамонов, Хаким Рабимпур, Аюб Эгамов!

Информация к новости
  • Просмотров: 483
  • Автор: admin
  • Дата: 20-03-2018, 04:01
20-03-2018, 04:01

З. АЛИХОНОВ: “ҲНИТ ДАР ПОКИСТОН БАРОИ ОЯНДАИ ХУД АРТИШ ОМОДА МЕКАРД”

Категория: Хабар

Суҳбати ихтисосии нашрияи “Хатлон” бо Зафар Алихонов, ҷавоне, ки 8 сол дар Покистон таълимоти ғайрирасмии динӣ гирифта, дар ҳайати созмони экстремистии “Содиқлар” - ҷиноҳи “Ҳаракати исломии Туркистон” - дар пойгоҳи низомии террористон дар Вазиристон машқу тамрин кардааст.

Зафар Алихонов, ки 34 сол дошта, миллаташ ӯзбек, маълумоташ миёна, оиладор, падари чор фарзанд аст, чанде пеш аз Туркия ба Тоҷикистон депорт шуд. Вай мегӯяд, ки танҳо баъди чанд соли таҳсили динӣ дар Покистон дарк кард, ки аксари ҷавонон он ҷо фирефтаи гурӯҳу созмонҳои ифротгарою тахрибгаре, чун ҲНИТ, ДИИШ, “Ансоруллоҳ”, “Содиқлар” мешуданд. Ин ташкилотҳо, ба гуфтаи З. Алихонов, аз ҳисоби муҳассилони мадрасаҳо барои худ сарбоз омода мекардаанд, то дар оянда барои амалисозии ҳадафҳои низомию идеологиашон ба кор баранд.